Ամփոփենք Թումոյի այս տարվա բոլոր հաջողությունները…


     Սկսեմ օգոստոսից:Օգոստոսի 14-ին Բացվեց մեր կողմից շատ սպասված Թումո ստեղծարար տեխնոլոգիաների կենտրոնը :Այդ օրը և դրան նախորդող երկու օրերին անցկացվեցին երիտասարդական մեծ երեկույթներ, որին մասնակցեցին Ռեինկարնացիան, dj Baxstar-ը, Dorians-ը և Սերժ Թանկյանը:Արդեն գրանցվեցինք դասերին հաճախելու համար և սեպտեմբերի 1-ին մեր առաջին դասն էր:Բոլորս ուղղակի հիացած էինք Թումոյի թմով, մթնոլորտով և կազմակերպվածությամբ:Նաև շատ լավ մտածված էր «Բաց դռների օր» միտքը, որը նախատեսված է ծնողների համար:Առաջին 2 ամսվա մեջ մենք սովորեցինք նախնական գիտելիքներ բոլոր 4 ճյուղերի մասին, այդ գիտելիքները մեզ կօգնեն հետագայում մեծ պրոյեկտներ ստեղծելիս:


     Նոյեմբերին կայացավ «Ի՞նչ է 3D պրոյեկցիան» դասախոսությունը:Լորիս Մովսիսյանը Թումոյի ուսանողներին պատմեց ամեն ինչ 3D պրոյեկցիայի մասին:Ուսանողները բազմաթիվ գիտելիքներ ստացան այդ դասախոսությունից:Ապա արդեն սկսեցինք հաճախել դասախոսությունների չորս ճյուղերի վերաբերյալ:Ուսումնասիրեցինք pencil animation, atmosphir, wordpress, windows live movie maker ծրագրերը և արդեն մոտավոր հասկացանք թե որ ճյուղով կարող ենք շարունակել:Դասախոսությունները վարում էին Թումոյի մարզիչները, ի դեպ նրանք բացատրում էին շատ լավ և հասկանալի:Մենք հիմնավոր սովորեցինք այդ ծրագրերի հետ աշխատել:
     Մեզ այցելեց ՀՀ վարչապետ Տիգրան Սարգսյանը, ծանոթացավ կենտրոնի գործունեությանը, հետևեց պատանիների աշխատանքին դասի ժամանակ և մեծ ոգևորությամբ նշեց, որ Թումոն շատ հաջողությունների կհասնի:հետո կայացավ TEDx Yeravan միջոցառումը, որի ընթացքում ցուցադրվեցին հետաքրքիր և ստեղծարար գաղափարներ, որոնք մեծ ուշադրություն են գրավել TED-ում:


     Ապա մեզ այցելեց բլոգգեր Արթուր Պապյանը:Նա մեզ պատմեց կարևոր բաները բլոգոսֆերայի մասին:Մենք սովորեցինք թե ինչպես անենք, որ մեր բլոգը առաջ գնա, որ պլատֆորմայում բացենք մեր բլոգը:Այդ ամենից շատ բան քաղեցի նաև ես, ինչի շնորհիվ նաև բարելավեցի իմ բլոգը:Ի դեպ ես նրա մասին մի գրառում ունեմ,կարող եք գտնել այն բլոգում:Հետո Թումոյում անցկացվեց ԱրմՌոբոտիքս առաջնությունը, որը նունպես շատ հետաքրքիր էր յուրովի:
Վերջերս Թումոն մասնակցեց Հեքըթոն[ՅԱՆ] Երեւան 2011 մրցույթ-փառատոնին և հաղթեց «Լրատվամիջոցներ և հասարակություն կապ» անվանակարգում «Երեւանը գործողության մեջ» նախագծի շնորհիվ:
     Մենք` ուսանողներս,  Թումոյից սովորեցինք առաջին կարևոր պայմանը` միշտ ժամանակին հասնել, այսինքն չուշանալ:Սովորեցինք լինել ավելի ստեղծարար, մեր պատկերացումները ավելի ընդլայնվեցին, hիմնավոր գիտելիքներ ստացանք բոլոր 4 ճյուղերի մասին:Դե երևի այսքանը շատ քիչ էր, բայց այս ամենի համար մենք շնորհակալ ենք մեր բոլոր մարզիչներից, նրանք քրտնաջան աշխատեցին և մեր բոլոր հարցերին պատասխանելով նպաստեցին մեր գիտելիքների ընդլայնմանը:Նայեցինք մի քանի ֆիլմեր:Այսօր էլ մեզ բաժանեցին ծրարներ, որոնց մեջ ստեղծարար մաղթանք էր գրված:Մի խոսքով այս տարի Թումոն շատ փոփոխություններ կատարեց, որոնք հաստատ կգնահատվեն շատերի կողմից: Հուսով եմ 2012 թիվը մեզ ավելի շատ հաջողություններ կբերի:Սա իմ նախավերջին գրառումն էր, վաղը արդեն կգրեմ այս տարվա վերջին գրառումը…

Advertisements
By Baldryanarmen Posted in Tumo

Թողնել մեկնաբանություն

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s